{"id":15554,"date":"2026-01-08T09:50:09","date_gmt":"2026-01-08T09:50:09","guid":{"rendered":"https:\/\/caritasrwanda.org\/kiny\/?p=15554"},"modified":"2026-01-10T07:22:17","modified_gmt":"2026-01-10T07:22:17","slug":"amatsinda-yo-kwizigama-afashwa-na-caritas-rwanda-na-plan-international-rwanda-afasha-ababyeyi-barerera-mu-ngo-mbonezamikurire-kwiteza-imbere","status":"publish","type":"post","link":"https:\/\/caritasrwanda.org\/kiny\/amatsinda-yo-kwizigama-afashwa-na-caritas-rwanda-na-plan-international-rwanda-afasha-ababyeyi-barerera-mu-ngo-mbonezamikurire-kwiteza-imbere\/","title":{"rendered":"Amatsinda yo kwizigama afashwa na Caritas Rwanda na Plan International Rwanda, afasha ababyeyi barerera mu ngo mbonezamikurire kwiteza imbere"},"content":{"rendered":"

Ubuhamya butangwa n\u2019ababyeyi bo mu karere ka Bugesera barerera mu ngo mbonezamikurire zifashwa na Caritas Rwanda binyuze mu mushinga wa ECD, ku nkunga ya Plan International Rwanda, bugaragaza ko ibimina bivuguruye byabongereye ubushobozi bwo kurushaho kwiteza imbere no kwita ku ngo mbonezamikurire y\u2019abana bato.<\/p>\n

Icyo aba babyeyi bahuriraho iyo babajijwe ku kamaro k\u2019itsinda ryo kwizigama no kugurizanya, bavuga ko mbere na mbere ribafasha kubona ibyo kwita ku ngo mbonezamikurire abana babo barererwamo, bagatanga ingero ko babashije kubagurira impuzankano, kubabonera ifu y\u2019igikoma igihe iyo bahawe na Caritas Rwanda ifatanyije na Plan Rwanda yashize, kubabonera ibikomoka ku matungo, n\u2019ibindi bikenerwa.<\/p>\n

Uretse kwita ku bana, ababyeyi bavuga ko aya matsinda yanabafashije kwiteza imbere mu muryango, ku buryo wa mwana wavuye mu rugo mbonezamikurire akomeza kubona indyo yuzuye n\u2019ibindi akenera ari no mu muryango we.<\/p>\n

Penina Musabyimana, ni umuyobozi w’urugo mbonezamikurire \u201cKura ujye Ejuru” rwo mu mudugudu wa Cyogamuyaga, akagari ka Tunda, umurenge wa Kamabuye. Kimwe n\u2019ahandi hari ingo mbonezamikurire zifashwa na Caritas Rwanda ifatanije na Plan International Rwanda, ababyeyi bazirereramo bibumbiye mu matsinda yo kwizigama no kugurizanya. Itsinda Penina arimo ryitwa Duharanire Isuku, rikaba rigizwe n\u2019abanyamuryango 30, bizigama kuva ku Frw 200 kugeza kuri Frw 650 buri cyumweru.<\/p>\n

Ati \u201cNi ukuvuga ko umugabane shingiro ari 200 ku buryo buri munyamuryango ashobora kwizigama imigabane itatu mu cyumweru, akongeraho Frw 50 y\u2019ingoboka\u201d.<\/p>\n

Aya mafaranga yabafashije kwiteza imbere ku buryo uyu mubyeyi yabashije kubaka icyumba cyo kubikamo ibikoresho cyiyongera ku nzu yari asanzwe afite ndetse abasha kuyikorera amasuku ashyiramo sima akoresheje inguzanyo ya Frw 60.000 yatse mu byiciro bibiri bingana. Ababyeyi babana mu itsinda bamuhaye umuganda wo kubumba amatafari.<\/p>\n

Gahunga Emmanuel ni umwe mu bibumbiye mu itsinda \u201cTwite ku Bibondo\u201d riherereye mu mudugudu wa Tunda, akagari ka Tunda, umurenge wa Kamabuye, rikaba ryaratangiye mu 2014 bizigama Frw 200, batangira bakorana na Plan International Rwanda naho mu 2022 batangira gukorana na Caritas Rwanda ku \u2018bimina bivuguruye\u2019.<\/p>\n

Gahunga avuga ko muri ibi bimina bivuguruye bafitemo gahunda bise \u2018kurasa ku ntego\u2019 ibafasha kudapfusha ubusa inguzanyo ikabafasha kuyikoresha icyo bayisabiye. Iyi gahunda igamije gufasha umunyamuryango kugurizwa amafaranga babanje kureba icyo agiye kuyakoresha ndetse nabo bagasuzuma koko ko icyo yayasabiye ko aricyo yakoze.<\/p>\n

Ati \u201cBituma ya nguzanyo idapfira ubusa umunyamuryango kuko yirinda gukora ikosa ngo abe yakoresha amafaranga icyo atayasabiye\u201d.<\/p>\n

Ku gite cye avuga ko iryo tsinda ryamufashije kurihirira abana be amashuri yisumbuye ndetse ubu akaba afite n\u2019uri muri kaminuza. Avuga kandi ko ibimina bivuguruye babitangiye nyuma yo guhabwa amahugurwa na Caritas Rwanda ubu bakaba babikora neza ndetse buri munyamuryango akaba afite agatabo ko kubitsa.<\/p>\n

Gahunga yongeraho ko afite gahunda yo kurangiza kwishyura Frw 100.000 aheruka kuguza mu itsinda akongera kuguza andi azakoresha ateza imbere ubuhinzi n\u2019ubworozi bwe.<\/p>\n

Nyirankundiye Jos\u00e9e nawe uri mu itsinda ryo kubitsa no kugurizanya \u2018Twite ku bibondo\u2019 yishimira ko ikimina cyamufashije gutera imbere kuko kuva yakijyamo yagujije Frw 60.000 aguramo ihene arazorora bimuha kubona amafaranga y\u2019ishuri ry\u2019abana.<\/p>\n

Yaje kongera kuguza Frw 147.000 agura ihene n\u2019inkoko abasha kongera umubare w\u2019amatungo mu rugo rwe.<\/p>\n

Ati \u201cNize n\u2019umushinga wo kurangura ibitoki nkenga umutobe nkawugurisha nkabasha kwikenura ndetse ubu nindangiza kwishyura ayo nagujije nzaka indi nguzanyo nkomeze nkore niteze imbere kuko nabonye binyungura Frw 40.000 mu kwezi.<\/p>\n

Uretse intego ya buri munyamuryango yo kwiteza imbere, hari n\u2019intego bahuriraho<\/strong><\/p>\n

\u2018Abadahigwa\u2019, ni irindi tsinda ryo kuzigama no kugurizanya rifashwa na Caritas Rwanda ifatanije na Plan International Rwanda, ryasuwe na Kigali Today. Rikorera mu murenge wa Ngeruka, mu kagari ka Ngeruka.<\/p>\n

\"\"
Itsinda ryo kuzigama no kugurizanya Abadahigwa ryashyize imbaraga mu kugurira abanyamuryango amatungo.<\/figcaption><\/figure>\n

Nk\u2019uko umuyobozi waryo, Habineza Emmanuel abisobanura, mu byo ryagejeje ku banyamuryango harimo kugura amatungo magufi arimo ihene n\u2019inkoko. Umwaka ushize ubwo barasaga ku ntego (kugabana ayo bizigamye n\u2019ayo bungutse nyuma y\u2019icyiciro cy\u2019ubwizigame) itsinda ryaguriye buri munyamuryango inkoko 3 zimuha amagi yo kugaburira abana mu rwego rwo kurwanya igwingira. Ihene zo umunyamuryango yaraguzaga, akagura izo ashaka ,akazishyura.<\/p>\n

Mu mwaka ushize kandi iri tsinda ryari rifite indi ntego yitwa \u2018Duce Nyakatsi mu buriri\u2019, aho abanyamuryango batararaga ku mifariso bakanguriwe gufata inguzanyo bakayigura, none kuri ubu bose barara heza.<\/p>\n

Umwaka wo kuzigama iri tsinda ryatangiye muri Nyakanga 2025 rikazawusoza muri Kamena 2026, rifite intego yo kurushaho kunoza isuku mu ngo, aho abanyamuryango bakangurirwa gufata inguzanyo zo kugura ibidomoro byo kubikamo amazi meza, kugira ngo urugo rubone amazi meza yo kunywa.<\/p>\n

Umushinga wa ECD ukorera mu turere twa Bugesera, Nyaruguru na Gatsibo. Mu karere ka Bugesera ingo mbonezamikurire zikurikiranwa na Caritas Rwanda ku bufatanye na Plan International Rwanda ni 29, muri zo 13 ziri mu murenge wa Kamabuye naho 16 zikaba mu murenge wa Ngeruka. Ababyeyi barerera muri buri rugo mbonezamikurire baba bibumbiye mu itsinda ryo kubitsa no kugurizanya.<\/p>\n","protected":false},"excerpt":{"rendered":"

Ubuhamya butangwa n\u2019ababyeyi bo mu karere ka Bugesera barerera mu ngo mbonezamikurire zifashwa na Caritas Rwanda binyuze mu mushinga wa ECD, ku nkunga ya Plan International Rwanda, bugaragaza ko ibimina bivuguruye byabongereye ubushobozi bwo kurushaho kwiteza imbere no kwita ku ngo mbonezamikurire y\u2019abana bato. Icyo aba babyeyi bahuriraho iyo babajijwe ku kamaro k\u2019itsinda ryo kwizigama … Continue reading Amatsinda yo kwizigama afashwa na Caritas Rwanda na Plan International Rwanda, afasha ababyeyi barerera mu ngo mbonezamikurire kwiteza imbere<\/span><\/a><\/p>\n","protected":false},"author":1,"featured_media":15555,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[30],"tags":[],"class_list":["post-15554","post","type-post","status-publish","format-standard","has-post-thumbnail","hentry","category-news"],"_links":{"self":[{"href":"https:\/\/caritasrwanda.org\/kiny\/wp-json\/wp\/v2\/posts\/15554","targetHints":{"allow":["GET"]}}],"collection":[{"href":"https:\/\/caritasrwanda.org\/kiny\/wp-json\/wp\/v2\/posts"}],"about":[{"href":"https:\/\/caritasrwanda.org\/kiny\/wp-json\/wp\/v2\/types\/post"}],"author":[{"embeddable":true,"href":"https:\/\/caritasrwanda.org\/kiny\/wp-json\/wp\/v2\/users\/1"}],"replies":[{"embeddable":true,"href":"https:\/\/caritasrwanda.org\/kiny\/wp-json\/wp\/v2\/comments?post=15554"}],"version-history":[{"count":1,"href":"https:\/\/caritasrwanda.org\/kiny\/wp-json\/wp\/v2\/posts\/15554\/revisions"}],"predecessor-version":[{"id":15557,"href":"https:\/\/caritasrwanda.org\/kiny\/wp-json\/wp\/v2\/posts\/15554\/revisions\/15557"}],"wp:featuredmedia":[{"embeddable":true,"href":"https:\/\/caritasrwanda.org\/kiny\/wp-json\/wp\/v2\/media\/15555"}],"wp:attachment":[{"href":"https:\/\/caritasrwanda.org\/kiny\/wp-json\/wp\/v2\/media?parent=15554"}],"wp:term":[{"taxonomy":"category","embeddable":true,"href":"https:\/\/caritasrwanda.org\/kiny\/wp-json\/wp\/v2\/categories?post=15554"},{"taxonomy":"post_tag","embeddable":true,"href":"https:\/\/caritasrwanda.org\/kiny\/wp-json\/wp\/v2\/tags?post=15554"}],"curies":[{"name":"wp","href":"https:\/\/api.w.org\/{rel}","templated":true}]}}