Imiryango 42 itishoboye yo mu murenge wa Ruharambuga, Akarere ka Nyamasheke, yahinduriwe ubuzima binyuze mu mushinga w\u2019ubufatanye hagati ya Caritas Cyangugu, Ikigo cy\u2019Igihugu gishinzwe Iterambere (RDB), n\u2019Akarere ka Nyamasheke. Uyu mushinga ujyanye n\u2019ishyirwa mu bikorwa rya gahunda y\u2019igihugu yo gusaranganya inyungu zituruka ku bukerarugendo n\u2019abaturage batuye hafi y\u2019ibice bikurura ba mukerarugendo, harimo ishyamba rya Nyungwe.<\/p>\n
Mukarurangwa Marianne, umwe mu bahawe inzu, agaragaza uko yakiriye ibyishimo by\u2019iyi nkunga yagize ati: \u201cTwari tumaze igihe kinini turara mu mbeho no mu mvura. icyo gihe twaryamye mu buryo budasanzwe, nk\u2019abapfuye kubera ibyishimo.\u201d<\/em><\/p>\n Buri nzu ifite ibyumba bitatu, uruganiriro, igikoni, ubwiherero n\u2019ubwogero biri hanze, ndetse n\u2019ibigega by\u2019amazi bifite ubushobozi bwa litilo 5,000 (inzu 2 zifatanije) cyangwa 3,000 (harimo inzu 2 zifite iki kigega buri imwe). Nk\u2019uko bigaragara, izi nzu si icumbi gusa, ahubwo ni ikimenyetso cy\u2019icyizere n\u2019agaciro byagaruriwe imiryango yari ituye mu mazu yangiritse cyangwa yari hafi yo gusenyuka.<\/p>\n Padiri Hyacinthe Irakoze, Umuyobozi wa Caritas Cyangugu, yasobanuye ko uyu mushinga watewe inkunga na RDB binyuze ku mafaranga aturuka ku nyungu z\u2019ubukerarugendo ahabwa uturere, Caritas ikaba yarafatanyije n\u2019Akarere kubaka izi nzu. Yagize ati: \u201cNyuma yo kuzubaka, dushyiramo ibikoresho by\u2019ibanze n\u2019ibiribwa kugira ngo utujwe abone uko abaho. Caritas ishakisha ubundi bufasha butuma inzu ziba nziza kurushaho\u201d<\/em>.<\/p>\n Kugeza ubu, imiryango 26 imaze gutuzwa, naho indi 16 izimurwa vuba kuko inzu zabo zigeze kure. Bamwe muri aba bafite amazu nka Bavugamenshi Th\u00e9obald na Musabyimana Marthe bashimira uburyo babayeho neza, bavuga ko aho batujwe ari umudugudu w\u2019icyitegererezo.<\/p>\n Bagamije kurushaho gutura heza, abatujwe muri aya mazu bari gukusanya amafaranga yo kuzana amashanyarazi. Buri muryango wiyemeje gutanga amafaranga Frw 10.000. Kugira ngo bazabashe kubigeraho, Caritas yemeye kuzabakorera ubuvugizi ku Karere ka Nyamasheke, nako kagakorana n\u2019ikigo gishinzwe gutanga amashanyarazi (REG), kugira ngo iki kibazo gikemuke.<\/p>\n Nsengamungu Denis, mutwarasibo w\u2019aha hubatse amacumbi, yagize ati: \u201cTumaze gukusanya ibihumbi 120 Frw. Kandi turacyarimo kwakira ubwitange. Turabasaba kutuvuganira kugira ngo tubone umuterankunga wadufasha amashanyarazi akatugeraho\u201d<\/em>.<\/p>\n Imiryango yatujwe muri izi nzu irimo kubakirwa irerero rizaba rifite ibyumba bibiri, igikoni, ububiko, imisarani, n\u2019ikibuga abana bazajya bakiniramo. Ibi ni ukugira ngo abana b\u2019inshuke barererwe hafi y\u2019ababyeyi, mu gihe bari mu mirimo yungura urugo.<\/p>\n Kureba ubuhamya bw\u2019abatujwe muri izi nzu, kanda kuri video ikurikira:<\/p>\n