{"id":15447,"date":"2025-06-16T12:17:50","date_gmt":"2025-06-16T12:17:50","guid":{"rendered":"https:\/\/caritasrwanda.org\/kiny\/?p=15447"},"modified":"2025-06-16T12:24:12","modified_gmt":"2025-06-16T12:24:12","slug":"caritas-rwanda-yateguye-umwiherero-ufasha-abakozi-kuruhuka-no-kwita-ku-buzima-bwo-mutwe","status":"publish","type":"post","link":"https:\/\/caritasrwanda.org\/kiny\/caritas-rwanda-yateguye-umwiherero-ufasha-abakozi-kuruhuka-no-kwita-ku-buzima-bwo-mutwe\/","title":{"rendered":"Caritas Rwanda yateguye umwiherero ufasha abakozi kuruhuka no kwita ku buzima bwo mutwe"},"content":{"rendered":"

Hagamijwe kubafasha guhangana n\u2019umujagararo ndetse no kwita ku buzima bwo mu mutwe bwabo n\u2019ubw\u2019imiryango yabo, kuva tariki 12 kugeza kuri 13 Kamena 2025, Caritas Rwanda yateguye umwiherero w\u2019abakozi bayo bakorera ku cyicaro gikuru. Uyu mwiherero wabereye kuri H\u00f4tel Cenetra i Kabuga, waranzwe no kumenya icyo umujagararo ari cyo, kumenya kwitekerezaho, ibiganiro bya babiri babiri bagafashanya gukira ibyakomerekeje ubuzima bwabo, ibikorwa byo mu matsinda n’udukino tubafasha kuruhuka mu mutwe.<\/p>\n

Nk’uko Umunyamabanga Mukuru wa Caritas Rwanda Padiri Oscar Kagimbura yabisobanuye afungura uyu mwiherero ku mugaragaro, roho nzima itura mu mubiri muzima, akaba ari yo mpamvu Caritas Rwanda yawubateguriye, ashishikariza buri wese gukurikira kugira ngo yunguke ibyiza birimo.<\/p>\n

Dr Uwihoreye Chaste wafashije abakozi ba Caritas Rwanda muri iki gikorwa, yasobanuye ko ubuzima bwo mu mutwe bugaragara mu byiciro bine byo guhangana n\u2019umujagararo ari byo (i) kuba umuntu yumva ameze neza kandi afite ubudaheranwa mu byo yaciyemo bigoye, (ii) kuba afite ibyo acamo bigoye ariko akigerageza gukemura, (iii) kuba aca mu bikomeye kandi yagowe no kubikemura no (iv) kuba yagize uburwayi bukomoka ku bibazo yaciyemo.<\/p>\n

Ibyiciro bibiri bya nyuma nk\u2019uko Dr Chaste abisobanura, bikenera kwitabwaho n\u2019abahanga mu kwita ku buzima bwo mu mutwe, kandi iyo umuntu yitaweho neza kenshi arakira (3% bw\u2019indwara zifata ubuzima bwo mu mutwe ni zo zidakira).<\/p>\n

\"\"
Dr Uwihoreye Chaste, inzobere mu kwita ku buzima bwo mu mutwe, ni we wayoboye uyu mwiherero.<\/figcaption><\/figure>\n

Uyu mwiherero ntiwatanze inyigisho z\u2019abahanga mu buzima bwo mu mutwe gusa, ahubwo wibanze no kwigisha uburyo umuntu yasura ibitekerezo bye, uburyo abantu babiri bafashanya mu gukira ibyakomerekeje ubuzima babisangizanya, imikoro yo mu matsinda ndetse n’imyitozo iruhura ubwonko. Ibi byose byari bigamije guteza imbere ubuzima bwo mu mutwe, kubaka ubushuti mu bitabiriye no kunguka ubumenyi ku kwita ku buzima bwo mu mutwe.<\/p>\n

\"\"
Imyitozo yo mu matsinda.<\/figcaption><\/figure>\n

Guhangana n\u2019umujagararo birashoboka<\/strong><\/p>\n

Nyuma yo gukora imyitozo itandukanye, yaba kwitekerezaho, kuganira na mugenzi wawe umubwira ibyakubayeho nawe akagufasha kubisohokamo n\u2019imyitozo yo mu matsinda, Dr Chaste yakanguriye buri wese witabiriye uyu mwiherero kujya yitekerezaho byibura inshuro ebyiri ku munsi, kuko bifasha kugira ubuzima bwo mu mutwe bwiza. Dr Chaste yongeyeho ko ari byiza kurena umuganga w\u2019impuguke mu buzima bwo mu mutwe umuntu atararwara kurusha uko yaba yarwaye.<\/p>\n

Ubwo abakozi ba Caritas Rwanda bakoraga imyitozo iruhura ubuzima, babaga bagaragaza ibyishimo. Muri iyi mikino harimo ibahuza n\u2019umujagararo ku buryo bafata ibyemezo vuba biwukemura kandi banarutse vuba. Icyari kigamijwe muri iyi mikino ni ukubereka ko umujagararo wose atari mubi ahubwo ko ikibi ari igihe utinze mu buzima. Niba ushaka kureba imyitozo iruhura ubwonko abari mu mwiherero bakoze, kanda hano<\/a>.<\/p>\n

Mu rwego rwo guhangana n\u2019umujagararo (waba uwakomotse mu kazi, mu muryango cyangwa ahandi), ni ngombwa gukora ibintu 6 bikurikira:<\/p>\n