Skip to main content
x

Caritas Rwanda yashyikirije Minisiteri y’Ubuzima ibikoresho byo kwirinda COVID 19

La Caritas et la minisante

Kiliziya Gatolika ibinyujije muri Caritas Rwanda yashyikirije Minisiteri y’Ubuzima ibikoresho bitandukanye bizifashishwa mu kwirinda icyorezo cya COVID-19 ndetse n’ibifasha abarwayi barembye guhumeka.

Uyu muhango witabiriwe na Minisitiri w’Ubuzima Dr Daniel NGAMIJE, Nyiricyubahiro Musenyeri Anaclet MWUMVANEZA Perezida wa Caritas Rwanda , ba Nyiricyubahiro Abepiskopi  ba za Diyosezi Gatolika, , uhagarariye Intumwa ya Papa mu Rwanda ,abayobozi b’amavuriro yahawe ibikoresho,Umuyobozi wa BUFMAR, uwa PMSS n’abandi.

Aha twakwibutsa ko Kiliziya Gatolika mu Rwanda ifite ibigo nderabuzima 109, n’ibitaro 10 aribyo byahawe inkunga. Ibyo Bitaro ni ibi bikurikira: Ndera, Ruli, Nemba, Rilima, Kiziguro Kabgayi, Gakoma, Mibirizi, Murunda na Gatagara.

Nk’uko Umuyobozi wa Caritas Rwanda akaba n’Umushumba wa Diyosezi ya Nyundo Nyiricyubahiro Musenyeri Anaclet Mwumvaneza yabisobanuye, ibi bikoresho bigizwe n’udupfukamunwa, uturindantoki, inkweto z’abaganga, amasabune, imyambaro y’abaganga, ibipimo by’umuriro n’imashini zongerera umwuka abarwayi barembye. Iyo nkunga yatanzwe  n’Inama Nkuru y’Abepiskopi Gatolika mu Butaliyani  ifite agaciro k’Amafaranga y’u Rwanda Miliyoni Magana abiri Mirongo Urwenda n’enye, Ibihumbi  Magana ane mirongo irindwi na bitanu Magana abiri na cumi n’atanu (294,475,215 Frw).

Umuyobozi wa Caritas Rwanda Nyiricyubahiro Musenyeri Anaclet MWUMVANEZA
Umuyobozi wa Caritas Rwanda Nyiricyubahiro Musenyeri Anaclet MWUMVANEZA

Nyiricyubahiro Musenyeri Anaclet Mwumvaneza kandi yavuze ko icyari kigamijwe ari uguha abakozi bashinzwe ubuzima ibikoresho bitabaza mu gutabara abarwaye COVID-19 no kwirinda ubwabo, anizeza ko Kiliziya Gatolika izakomeza gutanga ubufasha igihe cyose ibishoboye, haba mu kurwanya COVID 19 cyangwa mu bindi bikorwa bikenewemo ubufasha.

Yagize ati « Kiliziya ibinyujije muri Caritas yagiye ifasha abaturage mu buryo butandukanye harimo no kubaha imfashanyo mu gihe u Rwanda rwari muri gahunda ya" guma mu rugo", kubera iki cyorezo cya COVID 19, kandi izanakomeza igihe cyose gufasha haba mu buvuzi cyangwa mu bindi bikorwa bigomba ubufasha.

Yakomeje agira ati « Hari ubufasha Kiliziya yatanze bufite agaciro ka Miliyoni 160 Frw, ariko ibyinshi ntitubibara, kuko ugiye kureba uburyo abakirisitu bafasha abantu binyuze mu miryango remezo, amasantarari na za paruwasi ntiwabibara »

Mu Ijambo rya Minisitiri w’ubuzima, Dr Daniel NGAMIJE  wakiriye iyi nkunga, yashimiye cyane Kiliziya Gatolika n’abafatanyabikorwa bateye inkunga Minisiteri ayobora, avuga ko bije nk’inkunga ikomeye yiyongera ku bindi bikoresho bifasha mu rugamba rwo kurwanya icyorezo cya COVID 19.

Minisiteri w’ubuzima, Dr Daniel NGAMIJE  wakiriye iyi nkunga
Minisitiri w’ubuzima, Dr Daniel NGAMIJE  wakiriye iyi nkunga

Yagize ati « Turashimira Kiliziya n’abafatanyabikorwa bayo, ubufasha nk’ubu igihe cyose buba ari ingirakamaro kuko muri uru rugamba hakenerwa byinshi, ni ngombwa rero ko twese tubigiramo uruhare buri muntu agaharanira kwirinda arinda n’abandi kuko uko twitwara nibyo bihindura umuvuduko w’iyi ndwara ».

Dr Nzayisenga Albert,umwe mu bayobora ibitaro bigenewe  ibi bikoresho, ahamya  ko iyi ndwara yandura mu buryo bworoshye cyane kandi ko abakora kwa muganga bari mu bahura n’abantu benshi bityo bakaba bakenera ubwirinzi cyane kugirango batandura kandi aribo bashinzwe kwita ku bandi mbere na mbere. Ibi bikoresho rero ngo bizabafasha kwirinda nk’abaganga maze binabafashe kwita kubabagana.

Caritas Rwanda as usual decided to do something to helpCaritas Rwanda as usual decided to do something to helpibikoreshoibikoresho

 

Add new comment

Restricted HTML

  • No HTML tags allowed.