Skip to main content
x

Ipaji ibanza

KWIZIHIZA IMYAKA ITANU YA LAUDATO SI (16-24 Gicurasi 2020)

URUHARE RWA KILIZIYA GATOLIKA MU RWANDA, BY’UMWIHARIKO CARITAS RWANDA MU GUSHYIRA MU BIKORWA GAHUNDA YA PAPA LAUDATO SI, MU KUBUNGABUNGA IBIDUKIKIJE

IBYAGEZWEHO MU MYAKA ITANU ISHIZE

Ibiro bishinzwe iyogezabutumwa yatangiye guhindura inyandiko Laudato Si mu rurimi kavukire (Kinyarwanda), ikazifashishwa ku rubyiruko rwitegura amasakaramentu atandukanye no ku barimu b’iyobokamana. Serivisi ishinzwe uburezi gatolika yifashishije Laudato Si yateguye agatabo ku kubungabunga ibidukikije mu kinyarwanda, gakoreshwa mu kwigisha abana bo mu mashuri abanza.

Ku nkunga ya za Caritas nka CRS, Caritas ya Sloveniya, Caritas International y’Ububiligi, Caritas ya Autriche, Leta y’u Rwanda, Leta y’Ububiligi, Leta ya Sloveniya, Caritas Rwanda ifatanyije na Caritas za Diyosezi, yakoze ibikorwa byinshi harimo kurumbura ubutaka hakoreshejwe uburyo kamere, kurwanya ibyonnyi hifashishijwe ibimera, gukoresha imirasire y’izuba, kongera umusaruro hakoreshejwe imborera, guca amaterasi y’indinganire, cana make n’ibindi.

 

IMPINDUKA

Ibyo bikorwa byafashije kurwanya isuri, kugabanya ibyuka bihumanya ikirere n’ibyangiza amazi mu biyaga, inzuzi n’inyanja, igabanuka ryo gutema amashyamba, guteza imbere urusobe rw’ibinyabuzima n’ibindi.

 

IBIZAKORWA MU CYUMWERU CYA 16-24 GICURASI 2020

Gufasha serivisi y’uburezi gatolika mu kunoza no kunyuza mu icapiro udutabo mu Kinyarwanda ku bidukikije kugirango tugere ku rubyiruko rwinshi (1) ; Gufasha serivisi y’iyogezabutumwa guhindura mu Kinyarwanda Laudato Si, no kuyigeza muri za Diyosezi zose (2) ; ku bufatanye n’izo serivisi, gukora ubukangurambaga ku nyandiko Laudato Si no ku bikorwa bya Caritas mu kurengera ibidukikije hirya no hino mu madiyoseze gatolika, binyuze mu biganiro kuri Radio Maria (3).

Caritas ifasha abatishoboye ibinyujije mu bikorwa byo kuzamura imibereho myiza, ubuzima n’iterambere

Ibyo bikorwa byose bishingiye ku Rukundo. Dufashe guhindura imibereho y’abandi mu gihugu.

 

Nomero ya mobayilo money yacu ni +25078907079634. Murakoze.

1312761
Abakorerabushake
554453430
FRW y'imfashanyo
22908
Abanyeshuri batishoboye
929
Abana bo mu muhanda
1902
Inzu zubatswe
78627
Ibimuga, abashaje n'imfungwa
14477
Abatishoboye bafashijwe
194143
Abashakanye bahuguwe

Abafatanyabikorwa