Skip to main content
x

Kurwanya Imirire Mibi Bijyana No Kugira Isuku Muri Byose

       The fight against malnutrition cannot be carried out without hygiene

Bamwe mu baturage bo mu duce dutandukanye two mu turere twa Nyabihu na Ruhango barishimira amazi meza bagejejweho nyuma y’imyaka irenga 30 bavoma amazi mu migezi.

Ubuyobozi bw’uturere twa Nyabihu na ruhango ku bufatanye n’umushinga Gikuriro uterwa inkunga na Usaid ikanyuzwa mu miryango CRS na SNV ugashyirwa mu bikorwa muri utwo turere na Caritas Rwanda, bubatse robine umunani zo gukarabiraho intoki mu bigo nderabuzima umunani, amavomero 13 y’amazi, batunganya amasoko 72 y’amazi muri utu turere.

Ibikorwa remezo byose byagejejwe ku baturage ku ya 29 Kamena 2020 i Nyabihu no ku ya 2 Nyakanga 2020 mu karere ka Ruhango. Babyakiranye ibyishimo byinshi kuko byaje bije kubakemurira ibibazo baterwaga n’isuku nke.

the population can’t fight the COVID-19 pandemic without clean water
Hubatswe amavomero abafasha kubona amazi meza

Niyotwiringiye Jean de la Croix, ukomoka mu mudugudu wa Nyirabashenyi, mu karere ka Nyabihu aragira ati "Mfite imyaka 32, muri iki gihe cyose twakoreshaga amazi yanduye y'uruzi afite ibara ry’umuhondo kandi tukanayanywa, ntiwashoboraga no kuyameshesha imyenda ngo icye, yewe no kurwanya COVID-19 dukoresheje aya mazi byari ikindi kibazo. Ubu tumaze kubona amazi meza, ni igitangaza kuri twe.”

Dr. Yvonne Umurungi Serubibi, umuyobozi wungirije w’umushinga GIKURIRO, yibukije ko intego yo kurwanya imirire mibi idashobora kugerwaho hatabayeho isuku kandi ko abaturage badashobora kurwanya icyorezo cya COVID-19 badafite amazi meza.

Umuyobozi w'akarere ka Nyabihu, Mukandayisenga Antoinette, nyuma yo gushimira umufatanyabikorwa USAID/GIKURIRO yibukije abaturage kwita ku bikorwa by'amazi bahabwa kuko ubu ari ibyabo kandi bagakomeza kuba maso ku bijyanye n'amabwiriza yo gukumira no kurwanya COVID-19, cyane cyane bita ku isuku no kwambara neza agapfukamunwa.

Umushinga wo gutanga amazi mu turere twa Nyabihu na Ruhango, hamwe n’ubwiherero bugezweho n'icyumba cy’umukobwa muri buri karere, washyizwe mu bikorwa n'utu turere ku bufatanye n'umushinga wa GIKURIRO, uterwa inkunga na USAID, yashyizwe mu bikorwa na CRS, SNV, Caritas Rwanda.

Kugirango ibi bikorwa remezo bigerweho byatwaye amafranga y’u Rwanda Miliyoni 200.

8 hand washing stations in 8 health centers have been constructed
Hubatswe robine zo gukarabiraho intoki mu bigo nderabuzima 8

 

Add new comment

Restricted HTML

  • No HTML tags allowed.