Skip to main content
x

HAGARAGAJWE IBYAGEZWEHO N'UMUSHINGA "NGIRA NKUGIRE"

The members of the executive committee were briefed on the project's achievements

Ngira Nkugire, umushinga urengera ibidukikije ushyirwa mu bikorwa na Caritas Nyundo / Kibuye ku bufatanye bwa Caritas Rwanda kuva ku ya 1 Mutarama 2018 kugeza ku ya 10 Ugushyingo 2020. Abafatanyabikorwa bawo bishimira inkunga yatanzwe na guverinoma ya Siloveniya na Caritas Sloveniya bakanishimira ibyagezweho n'umushinga.

Abakozi b'uyu mushinga bagejeje ku bagize komite nyobozi ibyagezweho n’umushinga (akarere ka KARONGI, Abanyamabanga Nshingwabikorwa b’imirenge ya MUTUNTU na GASHARI, Abapadiri ba Paruwasi ya BIRAMBO na MUKUNGU, uhagarariye Soeur de la Charité MUKUNGU, umunyamabanga mukuru wa Caritas Rwanda n’umuyobozi wa Caritas Nyundo / Kibuye) , bashimishijwe n’urwe rwo hejuru abagenerwabikorwa bagezeho, aho babashije kuzamura ubukungu n’imibereho myiza yabo, bahereye gusa ku ma faranga 350 y’amayero (350,000 frw.

Uyu mushinga wakoresheje uburyo bw’amatsinda 37 ayobowe n’abaturage, mu bikorwa byose byashyizwe mu bikorwa ugera ku baturage 600 bo mu mirenge ya MUTUNTU na GASHARI n'abandi 5.102 bakora ubukangurambaga ku bikorwa bigamije kurengera ibidukikije birimo gukoresha amashanyarazi y'ingufu z'izuba, amashyiga ya kijyambere, gutera ibiti by'amashyamba, ibikorwa by’ubuhinzi n’ibindi).

Abagenerwabikorwa ubwabo bavuga ko bagabanije cyane gutema amashyamba bashaka inkwi zo gucana, bakagabanya imyuka ihumanya ikirere bacana amatara y’imirasire y’izuba, ndetse bagateka ku mashyiga ya kijyambere bubakiwe mu ngo zabo. Abakobwa bato b'ingimbi 120 bahuguwe ku gutunganya amashyiga ya kijyambere ubuyobozi bw’imirenge bushobora gukomeza kubifashisha mu rwego rwo gukomeza gushyigikira iki gikorwa.

Kugeza ubu, ubukungu bwabo bwateye imbere aho abagenerwabikorwa bose uko ari 600 bafite ubumenyi ku micungire y’imari binyuze mu mu matsinda yo kuzigama no kugurizanya. Mugihe cy’umushinga, abagenerwabikorwa bakusanyije amafaranga y’u Rwanda agera kuri 30.978.710, harimo inkunga y’umushinga igera kuri 9.500.000), mazebashora imari mubikorwa byinjiza amafaranga (IGA) mu bworozi bwamatungo, ibikorwa by’ubucuruzi bw’ibihingwa, ubucuruzi, ubudozi, serivisi za MTN « nka me to you ».

Abagize komite nyobozi bagejejweho ibyagezweho n’umushinga
Komite noza mikorere bafata ifoto nyuma y’inama

Urugero muri Nzeri 2018, NYIRABIZIMANA Epiphanie yatangije iduka rito rifite agaciro ka Frw120.000 harimo frw70.000 yahawe n’itsinda rye ryo kuzigama ariko ubu rimaze gukura rigera ku gaciro ka frw2.000.000 kandi abona inyungu buri kwezi ya frw 80.000. Abandi banyamuryango muri raporo yubucuruzi bafite inyungu zinyuranye za buri kwezi kuva kuri 20.000 kugeza kuri 80.000 bikaba ari iterambere ryiza dore ko batangiye kubusa.

Amatungo yose yatanzwe kuva umushinga watangira byibuze wikubye kabiri: abagenerwabikorwa bafite ihene 1,311 kuva kuri 597 bahawe n’ingurube 19 zavuye kuri 3 bahawe. Umushinga wagize uruhare runini mu micungire y’ubutaka binyuze mu buhinzi bwibanda ku kurengera ibidukikije, aho hegitari 5.4 zo mu murenge wa GASHARI zakozweho amaterasi. Umushinga wahaye abagenerwabikorwa imashini 5 zo kubumba amatafari akorwa hatangijwe ibidukikije kuko atangombera gutwikwa.

Mu ijambo ryabo, umunyamabanga mukuru wa Caritas Rwanda, impuguke mu Nama Njyanama y’akarere ka KARONGI n’Umunyamabanga Nshingwabikorwa wa GASHARI bagaragaje ko bishimiye kandi ko biyemeje gukomeza iterambere rya NGIRA NKUGIRE. Bashimye inkunga ya guverinoma ya Siloveniya na Caritas Sloveniya kandi bizeza ko ubufatanye bwanakomeza baramutse babonye undi mushinga bafatanya mu iterambere ry ‘akarere.

Add new comment

Restricted HTML

  • No HTML tags allowed.