Skip to main content
x

Abo turibo

Amateka

Caritas Rwanda yashinzwe mu mwaka w’1960 n’Abepiskopi gatolika bo mu Rwanda. Yemewe ku mugaragaro nk’Umuryango udaharanira inyungu n’iteka rya minisitiri No 499/08 ryo mu mwaka w’1962, ihinduka umuryango utegamiye kuri Leta hakurikijwe itegeko No 06/2012 ryo kuwa 17/02/2012 rigena imitunganyirize n’imikorere by’imiryango ishingiye ku idini mu Rwanda. Kuva mu mwaka w’1965, Caritas Rwanda yinjiye mu muryango waguye, Caritas Internationalis, uhuza za Caritas zose zo ku isi.

Ubu Caritas rwanda ni umuryango ukorera mu gihugu hose, ubinyujije muri Caritas icumi (10) za diyosezi gatoika z’u Rwanda, Caritas za Paruwasi 195, na Caritas za santarali n’imiryangoremezo.

Icyerekezo cyacu

Guharanira ko habaho umuryango (Sosiyete) wubahiriza agaciro ka muntu, kandi ukumira ihezwa n’akarengane kuri buri wese.

Indangagaciro

• Guha muntu agaciro yaremanywe

• Ubufatanye

• Kunoza umurimo

• Guha uruhare abafatanyabikorwa mu ifatwa ry’ibyemezo

• Kumva ibibazo by’abakene n’abarengana

• Kubaka icyizere

• Kutabogama/gushyira mugaciro

• Kurengera abatishoboye

• Gucunga neza ibyo dushinzwe no gukorera mu mucyo

• Ubuvugizi

• Kurengera ibidukikije

Inshingano zacu

Gufasha abatishoboye guharanira kugera ku iterambere ryuzuye rya muntu.