Skip to main content
x

Abagore bari mu matsinda mato yo kugurizanya no kuzigama yabafashije kuva mu myenda

La Caritas « Un pilier de leur survie »

Abagore bari mu matsinda mato yo kugurizanya no kuzigama, bafashwa na Caritas Rwanda mu nkambi ya Mahama bemeza ko iyo bataba muri iyi gahunda y’amatsinda ubu bari kuba batakibasha gutunga ingo zabo.

Caritas Rwanda ifasha abantu batandukanye mu nkambi ya Mahama irimo impunzi z’abarundi kuva mu mwaka wa 2015. Abagore bayoboye ingo zabo, ni bamwe mu baterwa inkunga na Caritas, ikaba yarabafashije kwibumbira mu matsinda yo kuzigama no kugurizanya.

Kayirangwa Emeline w’imyaka 36 akaba afite abana 8, avuga ko gutunga aba bana wenyine nta mugabo ari umurimo ukomeye kandi uvunanye. Avuga ko amafaranga bahabwa agenewe kubatunga atabahazaga bigatuma ahora mu myenda ndetse rimwe na rimwe akanabura icyo agaburira abana.

Ati “Nahoranaga imyenda kubera kwikopesha ngo abana babone icyo barya ndetse akenshi abana bakansonzana nabuze icyo mbaha. Ibi ariko byaje guhinduka kuva aho ngiriye mu masinda ya Caritas”.

Kayirangwa wari usanzwe amenyereye umwuga wo gucuruza akiba I Burundi, yasabye inguzanyo mu itsinda kugirango yongere akore uwo mwuga. Yagurijwe amafaranga ibihumbi 50 atangira kotsa ihene akagurisha. Nyuma y’amezi 6 yari amaze kwigurira inkana moto ijya kumurangurira amatungo yo kubaga.

Yemeza ko ubuzima bwe bwahindutse ku buryo bugaragara, abana be ntibongera kubura ibyo kurya cyangwa icyo kwambara.

Kayirangwa Emeline says that her life has changed for the best and her children are no longer deprived of food
Kayirangwa Emeline avuga ko ubuzima bwe bwahindutse bwiza n'abana be batakibura ibyo kurya

Kayirangwa avuga ko usibye iki gihe cya COVID 19 cyatumye ubucuruzi bwe busubira inyuma cyane ubundi gahunda ze zagendaga neza amaze no kugarura icyizere.

Mukarutamu Marcelline w’imyaka 43 nawe avuga ko iyo ataba mu itsinda Atari kuba akibona icyo agaburira abana 7 afite. Avuga ko Caritas itamwigishije kwizigamira gusa, ahubwo yanamuhaye kuva mu bwigunge aho yumvaga ari wenyine ibibazo byaramurenze yamara kwegerana n’abandi mu itsinda agatangira kongera kwishima.

Ati “Nari umuntu wigunze kubera ibibazo by’ubuhunzi, abana bansonzera mu maso, nta Mwenda wo kwambara bafite, nkumva mbuze uko mbigenza. Ngeze mu itsinda rero natangiye kubona amafaranga make make yo kudutunga ariko mva no mu bwigunge kuko naganiraga n’abo duhuje ibibazo”.

Ntakiutimana Adia w’imyaka 21 ufite umwana w’umwaka 1, avuga ko nyuma yo kubyara ari wenyine akiri na muto byamukomereye agera ubwo yumva yanze ubuzima, abanda bagore bamutumira mu itsinda maze nawe atangira kwizigamira agera ubwo aguza atangira gucuruza ibitoki. Avuga ko yungukiye byinshi mu itsinda biromo kumenya gukora ndetse no kubana n’abandi.

Ngarambe Venson umukozi wa Caritas Rwanda ukorera mu nkambi ya Mahama ari nawe ukurikirana umunsi ku munsi aya matsinda, avuga ko hari impinduka igaragara koko kuri aba bagore. Avuga batangiye aria bantu bafite ibibazo byinshi, batiyakira nta n’ubumenyi bafite ku buryo bakwihangira imirimo iciriritse igamije kubafasha kwiteza imbere.

Ati “Ubona ko bamaze guhindura imibereho ndetse n’imyumvire, batangiye amatsinda koko ari abantu bigunze, bihebye kubera ibibazo, ariko ubu ni abantu bakeye ku maso bafite isuku kandi babasha kwita ku miryango yabo batarinze guhora mu madeni nka mbere”

Icyo aba bagore bibumbiye mu matsinda bahurizaho ni uko ibi bihe bya COVID 19 byasubije inyuma cyane ibikorwa byabo aho bamwe bariye amafaranga y’igishoro kubera kudacuruza, bakavuga ko bizabagora cyane.

Abakozi ba Caritas Rwanda bakurikirana aya matsinda bavuga ko bazakomeza kuyaba hafi bakagira inama abanyamuryango bayo, bagamije kubafasha gukomeza ibikorwa batangiye.

Mahama Camp
Inkambi ya Mahama 

 

Add new comment

Restricted HTML

  • No HTML tags allowed.