Aller au contenu principal
x

Amazi meza n’isuku: Inkingi y’ubuzima bwiza mu muryango

Amazi meza n’isuku: Inkingi y’ubuzima bwiza mu muryango

Umushinga Gikuriro wibanda ku guteza imbere imirire myiza ndetse no ku isuku n’isukura, ni umushinga ushyirwa mu bikorwa na Caritas Rwanda mu turere tubiri  aritwo Nyabihu mu Burengerazuba na Ruhango mu Majyepfo, ku nkunga ya USAID inyuza muri Catholic Relief Sevice ifatanyije n’ikigo cy’Abaholandi kita ku iterambere, ukaba uzamara imyaka itanu.

Mu rugamba rwo kugeza amazi meza kuri bose, Caritas Rwand abinyuze mu Mushinga wa Gikuriro, yubatse utuzu tw’amazi 15 ( 7muri Nyabihu n’8 muri Ruhango) inatunganya amariba y’amazi 54 (36 muri Nyabihu na 18 muri Ruhango

Abaturage bagejejweho ibyo bikorwa remezo bemeza ko cyaje ari igisubizo ku bijyanye n’ibibazo by’isuku

MUKESHIMANA Beatha,umwe mu baturage bagejejweho amazi meza ukomoka mu Karere ka Ruhango avuga ko mbere yuko bubakirwa ivomero bakoreshaga agasoko katari gatunganyije kari ahantu kure kuko hari intera y’isaha imwe y’urugendo uvuye mu mudugudu wabo, ibyo bikaba byaratumaga hahora indwara nyinshi zituruka ku mwanda mu bana, kandi benshi bakaba basiba ishuli bagiye kuvoma kure.  

Bishimiye amazi begerejwe
Bishimiye amazi begerejwe

Yaragize ati: “Ubu nta mwanya bigifata wo kujya kuvoma kuko ni hafi, iyi ni inkunga ikomeye tubonye mu mudugudu wacu, nanjye ku giti cyanjye mu rugo iwanjye ngiye kwihatira gushyira mu bikorwa  amabwiriza y’isuku n’isukura twigiye mu ma club y’isukura, Caritas iragahoraho”

Kasavu Yohani Nepomuseni w’I Nyabihu n’ibyishomo byinshi yaragize ati: “Nishimiye rwose iki gikorwa remezo cy’amazi twagejejweho mu mudugudu wacu. Ubu imiryango igera kuri 257 ibona amazi meza ku buryo bworoheje kandi n’abana ntibagisiba ishuli kubera bagiye kuvoma kure”.

Nk’uko inshingano za Caritas Rwanda ari ukwita ku bababaye cyane ishyigikira uruhare rwabo, ntihwema kwishimira intambwe nziza batera mu kurushaho guharanira imibereho myiza inabashishikariza gufata neze ibi bikorwa remezo biba bije kunganira ubuzima bwabo.

Ibikorwaremezo byubatse bizafasha abaturage bagera ku bihumbi mirongo itaru na kimwe na Magana atandatu mirongo irindwi n’umunani mu karere ka Nyabihu ndetse n’ibihumbbi cumin a bitanu na Magana atanu mirongo icyenda na babiri mu ka Ruhango..

Ajouter un commentaire

HTML restreint

  • Aucune balise HTML autorisée.